Sénha yotkà:te tsi niyá:wen’s, ronatehyà:ron né:’e ne “missing generation” ne ratiweyentéhta’s né:ne kowá:nen ate’shén:nayen yahatí:yehste tsi sayonnhétye ne Onkwehón:we nikawennò:tens Koráhne tsi ahontatón:ni ne ahsén:nen ohwéntsya tsi na’tehóntere ne Rotiksténha, ratiksá:’a táhnon nithotiyòn:sas raotinakerahserá:kon. Ne kí:ken karihwisákhon yoteríhonte akayén:tere’ne ne Onkwehón:we ronatehyà:ron owén:na ratiweyentéhta’s.

Ne karonwarà:ke yontewennaweyenhstáhkwa né:’e tkarihwa’serákwas tsi na’teyotonhwentsyóhon karonwarà:ke ayetshén:ri ne yontewennaweyenhstáhkwa. Ahse’kén Kanyen’kéha ronteweyénhstha yah thaón:ton ahshakotiya’tatshén:ri ne Kanyen’kéha tyotyerénhton ronahronkhá:’on, nek ne enwá:ton tsi nahò:ten kawennarò:ron táhnon yohyatonhserón:ton yowén:nayen ahontéweyenste. Kí:ken thiká:te táhnon tekyattíhen karonwarà:ke yontstáhkwa enkahará:tate tsi niyótte yonteweyénhstha!