Our Partners

Queen’s University

Kakwatákwen ne 1841 shiyohserò:ten, Queen’s University teyakotényes tsi yeweyentéhta’s táhnon énska ne konwatikowá:nen ratirihwisákhons yonteweyenhstahkwa’kó:wa Koráhne. Kanakerahserá:kon Kanyen’kéha karihonnyén:ni né:ne TTO ronaterihwahtentyà:ton enwá:ton yenwátyehste ne credit ne Queen’s Certificate in Mohawk Language & Culture ensahyatonhserayén:ta’ne. Ne sénha aesató:kenhse, ya’skwáhtho ne queensu.ca/artsci/mohawk

University of Victoria

Ne University of Victoria è:neken tsi í:we ne Canada, tsi yá:we ni’té:kon tsi nahò:ten ne
orí:wase’s tánon kwah tsik nahò:ten. Akwé:kon nyehonateryén:tare tsi ohén:ton í:kate ne thénon yakorihonnyén:ni, ahatirihwatshén:ri, tehatiyé:nas ne kanakeráhsera. Ne Tsi Tyonnhéht Onkwawen:na tsi tehotiyenawá:kon NEȾOLṈEW̱ thénon ne orí:wase’s skatne tsi ahotiyó:ten ahatirihwatshén:ri, ahoti’nikonhrayén:ta’ne oh ní:ioht tsi sénha ayoyanerén’ne tsi nahatí:yere ne ronatehyá:ron aonsontónhnhete ne Onkwehonwéhneha owén:na ne Canada. Tóka’ íhsehre í:si’ nón:we ahsateweyénste né:ne aorihwá:ke NEȾOLṈEW̱, ya’skwáhtho ne: https://www.uvic.ca/research/partner/home/projects/language-assessment-tool/index.php

Onkwehonwe Language Cooperative

Ne Onkwehonwe Language Cooperative, né:ne Ministry of Education shakotihwistá:wi, ne kanyén:te akaya’takéhnha ne yà:ya’k nikawén:nake ne Rotinonhsyón:ni táhnon tkayéhstha ne aonsayónnhete ne eh nikawennò:tens. Ne kí:ken kayo’ténhsera enwathró:ri tsi na’teyotonhwentsyóhon taetewayé:na ayonkwayó’ten ne taetewatatya’takéhnha táhnon taetewatekháhsi yontstahkwa’shón:’a tsi kanakarahserakè:ron. Kí:ken kayo’ténhsera TTO kanenhrì:ne táhnon énska tkahwe’nón:nis ne owén:na táhnon tsi niyakorihò:ten kentyohkwa’shón:’a akwé:kon ne Kanyen’kehakà:ke.

Our Funders

Mohawks of the Bay of Quinte

Ne Mohawks of the Bay of Quinte (MBQ) ratiná:ye tsi nihononhwentsyò:ten, rotikaraká:yons, táhnon tsi nihotirihò:ten. MBQ né:’e kentyóhkware ne Kanyen’kehá:ka né:ne kentyóhkware ne Yà:ya’k Nihononhwentsyá:ke Rotinonhsyón:ni. Ya’skwáhtho mbq-tmt.org ne sénha aesató:kenhse.

Ontario Trillium Foundation

Ne Ontario Trillium Foundation (OTF) né:’e kentyóhkware ne Kanyatarí:yo Kakoráhsera, táhnon énska ne Koráhne konwatikowá:nen tsi shakotihwistá:wis nikentyohkò:ten. Ya’skwáhtho otf.ca ne sénha aesató:kenhse.

Department of Canadian Heritage

Ratiksa’okón:’a né:ne owén:na ronteweyénhstha yah é:so tehotihyatonhserá:yen né:ne yorà:se tsi nikaráhston táhnon tekarihstohrarà:kon yontstahkwa’shón:’a á:hontste tsi nikarì:wes owén:na ronateweyenhstonhátye. Tsi ronwatihwistá:wi ne Canadian Heritage, TTO enhatikwé:ni ahatikwatá:ko táhnon ahshakotihawínyon ne Kanyen’kéha yontstahkwa’shón:’a né:ne enwá:ton á:hontste ne shakotirihonnyén:ni, ronteweyénhstha, ronwatiyen’okón:’a, ronwatinonnha’okón:’a, yonteweyenhstahkwa’shón:’a táhnon yewennahnotahkwa’shón:’a, ne káti ahotiyé:nawa’se sénha ahatiwennahnó:ten táhnon ahatihyatonhkwaweyén:teke ne Kanyen’kéha, ne kwah ne ratiksa’okón:’a ronteweyénhstha/ronwatirihonnyén:ni/raotihwá:tsire. Ne ò:ni, skahyatonhserátshon enkawennarahstányonke né:ne TTO tsi tewa’á:raton karonwarà:ke enwatera’nentáktonke ne káti enwá:ton sénha ronatyohkowá:nen á:hontste. www.canada.ca/en/canadian-heritage

Ontario Ministry of Education| Kanyatarí:yo Kaweyenhstà:tshera Kentyóhkwa

  • Akaya’takéhnha ne Kanyen’kéha Kenhtè:ke nón:we
  • Yenká:yehste tsi sayonnhétye ne Kanyen’kéha
  • Entkarihwa’será:ko tsi na’teyotonhwentsyóhon ayakoyén:ta’ne ne kayé:ri-credit, teyohserá:ke Kahyatonhserí:yo ne Kanyen’kéha táhnon tsi nihotirihò:ten né:ne kanakerahserá:kon Kenhtè:ke enkarihónnyen, táhnon
  • Nithotiyòn:sas táhnon ronatehyà:ron nenwatyé:rate. Ne ò:ni, Onerahtókha 2018 shiyohserò:ten, Ministry of Education, Indigenous Education Office tahshakotihwíhston ne TTO ne teyohserá:ke nikarì:wes, né:ne Indigenous Languages Fund nityawé:non. Ne kayo’ténhsera kakwatákwen ne:
  • Akaya’takéhnha ne Onkwehón:we nikawennò:ten entyè:ke tsi tkarahkwíneken’s nonká:ti ne tsi Kanyatarí:yo
  • Yenká:yehste tsi sayonnhétye ne Rotinonhsyón:ni nikawennò:tens

Indigenous Community Capital Grant Program |

Onkwehón:we Kanakeráhsera Shakotihwistaníhas Nikentyohkò:ten

Ne Kentenhkó:wa 2019 shiyohserò:ten, TTO ronwatirihwá:wi ahotihwistayén:ta’ne ne Economic Diversification Program né:ne Indigenous Economic Development Fund ne akarihwisákhon tóka’ enwá:ton akanonhsakétsko ne owén:na táhnon tsi nihotirihò:ten kanónhsote.

Hastings and Prince Edward Learning Foundation | Hastings táhnon Prince Edward Yeweyentéhta’s Kentyóhkwa

Tsi Tyónnheht Onkwawén:na ronwatihwistá:wis ne Hastings táhnon Prince Edward Yeweyentéhta’s Kentyóhkwa ne Ministry of Children táhnon Youth Services ne aorihwà:ke ne First Nations Student Nutrition Program. Kí:ken ohwísta wátston ne ronteweyénhstha raonatennà:tshera Totáhne táhnon Kawenna’ón:we.