Initiative Campaign

Tsi Ratihwihstarò:roks né:’e enkahwistarò:roke ne akaya’takéhnhen ne kayé:ri niyorì:wake kanyén:te ne TTO né:ne sha’teyotirihò:ten ne onkwatetshénhsera, nahò:ten yakwanyén:te, táhnon yonkwateríhonte:

  • Ne ahonahrónkha’te ne Kanyen’kéha
  • Ne akakwatákwen ne tsi nón:we owén:na táhnon tsi nihotirihò:ten akeni’terón:take Kenhtè:ke nón:we.
  • Ne ahatí:rahste ne tsi nihotirihò:ten aorihwà:ke wátston tsi enkanonhsakétsko ne owén:na táhnon tsi nihotirihò:ten aorihwà:ke yonteweyenhstáhkwa Tsi rontathá:wis enwá:ton

Support the Campaign

Kwah ken’ nikón:’a tsi ní:kon Koráhne shakotihwistá:wis ne Onkwehón:we ne raotiwén:na aorihwà:ke. Ne káti akarihwahní:rate tsi onkwawén:na enyónnheke, tká:konte thayonkyonníhake táhnon nayonkwatáthreke tsi yakwarihwahní:rats tsi yonkwahwistayentà:sere ne yorihowá:nen onkwayo’ténhsera aorihwà:ke. Yethiyonkwe’tisakonhátye kanakerahserakonhró:non né:ne rón:nehre ayonkhiyé:nawa’se aetewakwatá:ko, aetewahténtya’te, táhnon aetewaya’takéhnha ne onkwayo’ténhsera. Enwá:ton ahsheyatewennáta’ahse ne Ohén:ton Í:yete Callie Hill tsi [email protected] ne sénha aesató:kenhse ne kí:ken ate’shén:nayen aorihwà:ke.

Tóka’ tsi nikawennò:ten ro’nikonhrayén:ta’s entshthárhahse ne rón:kwe, eh ne ranon’tsì:ne yén:we. Tóka’ raowén:na entshthárhahse, né:’e raweryà:ne yén:we – Nelson Mandela

If you talk to a man in a language he understands, that goes to his head. If you talk to him in his language, that goes to his heart – Nelson Mandela.