Primary School

About the school

Kawenna’ón:we Ratiksa’okón:’a Yonteweyenhstáhkwa (SK-Gr 4) ontehnhotón:ko ne Seskehkó:wa 2011 shiyohserò:ten táhnon aonha’tsí:wa tsi waterihwahtentyà:tha. Né:’e yeyorihwahré:kon ne ayontahsónteren tsi ní:kon yakoteryèn:tare tsi wátston ne eksá:’a ako’nikòn:ra tsi wátston ne yekaratónhkwa, karén:na táhnon ohwentsyà:ke tsi yonteweyénhstha né:ne tká:konte tahontawénrye tsi nón:we rón:ne’s. Yakwatste’nyá:rons ayethi’nikòn:ranonte táhnon raoti’nikòn:ra á:hontste táhnon akahní:rate tsi yontatyenté:ri tsyeksa’tátshon né:ne tsi nihotirihò:ten karihonnyennì:tshera né:ne Rotinonhsyón:ni raoná:wen.

How to register

Onkwá:wen tsi karihwahserón:ni tsi ayakoríhon ayontyà:taren rotinaktotá:nis ka’nisténhsera/ka’níhsera ne ahatiyentérha’ne onkwá:wen yonteweyenhstáhkwa ne ò:ni ne nahò:ten tyonkwehtáhkwen ne kaweyenhstà:tshera aorihwà:ke táhnon karihwahserón:ni. Yorihowá:nen ne shakotirihonnyén:ni kwah tokén:’en ahoti’nikonhrayén:ta’ne ne yonteweyénhstha ne káti takaya’tó:rehte tóka’ yakwakwényes ayethiyé:nawa´se. Ne kí:ken karihwahserón:ni teyotonhwentsyóhon áhsen niyorì:wake ayerihwísa: ayontken’sè:ra, karihwanóntha kahyatónhsera ayehyatónnyon akorihwa’shón:’a, tahatihtharónnyon, táhnon ne rotiyo’tényon aonsahatika’én:yon.

Book a Tour of the Primary School

This contact form is deactivated because you refused to accept Google reCaptcha service which is necessary to validate any messages sent by the form.

@ Tsi Tyónnheht Onkwawén:na 2019