Welcome to Tsi Tyónnheht Onkwawén:na
Tsi Tyónnheht Onkwawén:na tyonkwehtáhkwen tsi sénha yoyánere ón:ton tsi ohwentsyá:te ahse’kén Kanyen’kehá:ka tsi niyonkwarihò:ten, onkwateryen’tarà:tshera táhnon tsi niyohtányon yonkwateryèn:tare. Teyethinonhwerá:tons ne Kanyen’kehá:ka, sahontená:tayen, táhnon akwé:kon a’nowarè:ke ratì:teron ne ahatiweyentéhta’ne onkwá:wen wahón:nise aorihwà:ke, nahotiyà:tawen ne onkwá:wen onwa’kéha, táhnon ayonkhiyatya’tárhahse ne onkwá:wen teyohswáthe ohén:ton yawenhniseratenyóntye.
Yakwatkáthos
Skén:nen, ka’shatsténhsera tánon ka’nikonhrí:yo ne kari’wanón:tha Tyonkwehón:we akén:hake. Yaotahsonterá:tye óhontsa tayohtka’wénhatye tsi niyonkwarihò:ten, tánon ne onkwawén:na ne kénthon Kenhtè:ke.
Ya’teyakwaká:nere tsi Nenkayé:ren
Ayakwá:reke tánon ayakwatónhnharen ne Onkwehonwe’néha aorihwá:ke.
Values
❖ Skén:nen
❖ Ka’shatsténhsera
❖ Ska’nikonhrí:yo
❖ Kakwennyenstáhtshera
❖ Kanoronhkwátshera
❖ Atenrò:sera
❖ Akwékon tewatatenónhkwe
❖ Khe’nikonhrá:reks
Tsi Tyónnheht Onkwawén:na (TTO) rotikwatákwen ne 2000 shiyohserò:ten ne kanakeráhsera nikentyohkò:ten roti’nikòn:rhare ne aonsayónnhete ne Kanyen’kéha Tsi Tkenhtè:ke. Onkwahsén:na ne kén:ton yonnhétye ne owén:na. Onkwaya’takehnha’tshera’shón:’a né:’e ne nihonnà:sa yonteweyenhstáhkwa, ronatehyà:ron yonteweyenhstáhkwa, táhnon ó:ya nikaya’takehnha’tsherò:tens.
Kanyen’kéha Translation
Kanyen’kéha translation of this website was provided by Wilhelmina Beauvais of Kanehtsatà:ke.